| 
Өнгөрөгч Бямба гарагт Canon корпорацийн Азийн орнуудын үйл ажиллагаа эрхэлсэн захирал ноён Хидэки Озава төлөөлөгчдийнхөө хамт манай улсад айлчлан ирэв. Тэрбээр М-Си-Эс Электроникс компанийн урилгаар манай улсад зочилж байгаа бөгөөд энэ нь Canon корпораци болон М-Си-Эс Электроникс компанийн хамтын ажиллагааны түүхэн дэх томоохон хэмжээний айлчлал болов. Ноён Озава нь Монголд хийж буй айлчлалынхаа эхний өдөр М-Си-Эс Электроникс компаниар зочилж, Canon корпорациас цаашид Монголын зах зээлд барих бодлого, шинэ бүтээгдэхүүний чиг хандлага, хэтийн төлөвлөгөөгөө хэлэлцсэнээс гадна, Canon-ын Монгол дах салбар дэлгүүр болох Canon төвийн үйл ажиллагаатай танилцан, Монгол хэрэглэгчидтэйгээ уулзалдаж, санал солилцсон юм. Canon корпорацийн төлөөлөгчид нь тус өдөр зохион байгуулагдсан “Canon Инээгээрэй–Шилдэг гэрэл зураг 2010” уралдааны шагнал гардуулах үйл ажиллагаанд оролцож, нийт мэрэгжлийн болон гэрэл зураг сонирхогчдод цаашдын уран бүтээлд амжилтыг ерөөн, М-Си-Эс Электрониксын төлөөлөгчидтэй хамтран тус тэмцээний тэргүүн байрын 5 эздэд шагналуудыг гардуулан, үнэ бүхий дурсгалын зүйлсийг нийт оролцогчдод өгөв. Түүнчлэн Canon Төвөөс нийт хэрэглэгчдийнхээ дунд 1 сарын хугацаанд зарласан “Минийх мэдээж Canon” сугалаат худалдааны азтануудыг тодруулж, 2 хэрэглэгчийг “Байгал далай руу аялах” эрхийн бичгээр шагнав. Сонирхуулахад Canon нь дэлхийн офисын тоног төхөөрөмжийн зах зээлийн 18%, мэргэжлийн камерны зах зээлийн 45%-ийг дангаар нийлүүлдэг юм байна. Энэхүү дэлхий дахинд чанараараа танигдсан брэндийн Монгол дах цорын ганц албан ёсны дистриьбютер М-Си-Эс Электроникс компани нь тус брэндийн чанартай бүтээгдэхүүн, үйлчилгээг Монголын хэрэглэгчиддээ найдвартай хүргэн, глобал брэндийн нэр хүндийг Монголын зах зээлд өндөрт өргөн ажиллах хүндтэй үүргийг 9 жилийн турш амжилттай хэрэгжүүлж байгаа юм.
|
